ന്യൂഡല്‍ഹി: പൗരത്വ സമരത്തിന് നേതൃത്വം നല്‍കിയതിന് ഡല്‍ഹി പൊലീസ് കലാപ ഗൂഢാലോചനാ കേസില്‍പ്പെടുത്തി യു.എ.പി. എ ചുമത്തിയ ജെ.എന്‍.യു വിദ്യാര്‍ഥി നേതാവ് ഉമര്‍ ഖാലിദിന്റെ ജാമ്യ ഹര്‍ജി ഡല്‍ഹി കോടതി തള്ളി. മൂന്ന് തവണ വിധി പറയുന്നത് നീട്ടിവെച്ച ശേഷമാണ് ഇന്നലെ അഡീഷനല്‍ സെഷന്‍സ് ജഡ്ജി അമിതാഭ് റാവത്ത് ജാമ്യം നിഷേധിച്ചത്.
2020 സെപ്റ്റംബര്‍ 13നാണ് ഉമര്‍ ഖാലിദ് അറസ്റ്റിലായത്. മഹാരാഷ്ട്രയിലെ അമരാവതിയില്‍ ഉമര്‍ ഖാലിദ് നടത്തിയ പൗരത്വ സമര പ്രസംഗത്തിന്റെ പേരിലായിരുന്നു അറസ്റ്റ്.