ആഘോഷങ്ങളുടെ അത്ഭുത ചെപ്പ് തുറന്ന് വച്ച് മല്ലു സ്‌ട്രെയിഞ്ചേഴ്‌സ് നൈറ്റിന്റെ രണ്ടാം പതിപ്പ് യു.കെ മലയാളികളെ സ്വാഗതം ചെയ്യുന്നു.പരസ്പരം അറിയാത്ത യു.കെ യിലെ മലയാളികള്‍ക്ക് പരസ്പരം കൂട്ടുകാരാവാനും അത് വഴി യു.കെ യിലെ വിവിധ മേഖലകളിലുള്ള തൊഴില്‍, വിദ്യാഭ്യാസ അവസരങ്ങള്‍ പരസ്പരം പങ്കുവെക്കാനുമൊക്കെയുള്ള ഒരു സുവര്‍ണ്ണാവസരമൊരുക്കുകയാണ് മല്ലു സ്‌ട്രെയിഞ്ചേഴ്‌സ് നൈറ്റ് എന്ന പരിപാടിയുടെ രണ്ടാം പതിപ്പ്.
കഴിഞ്ഞ വര്‍ഷം നവംബറില്‍ ചെസ്റ്ററില്‍ വച്ചു നടത്തിയ പരിപാടിയുടെ ആദ്യ പതിപ്പ് യു. കെ മലയാളികളുടെ പങ്കാളിത്തം കൊണ്ട് ശ്രദ്ധേയമായിരുന്നു.മല്ലു സ്‌ട്രെയിഞ്ചേഴ്‌സ് നൈറ്റിന്റെ രണ്ടാം പതിപ്പ് മാര്‍ച്ച് 11 മുതല്‍ 13 വരെ ഇംഗ്ലണ്ട്-സ്‌കോട്‌ലന്‍ഡ് അതിര്‍ത്തിയില്‍ ഉള്ള LAKE DISTRICTÂ വെച്ചാണ് സംഘടിപ്പിക്കുന്നത്.
മുന്‍കൂട്ടി റിസര്‍വ് ചെയ്തു പങ്കെടുക്കുന്നവര്‍ക്കായി ആദ്യ പതിപ്പിലെ പോലെ തന്നെ കേരളത്തിലെ നാടന്‍ വിഭവങ്ങള്‍ ഉള്‍പ്പെടുന്ന സദ്യ , ലൈവ് മ്യൂസിക്, താമസം, ബര്‍ത്ത് ഡേ സെലിബ്രേഷന്‍,ക്യാമ്പ് ഫയര്‍ തുടങ്ങിയ പ്രോഗ്രാമുകള്‍ക്കൊപ്പം
മൗണ്ടൈന്‍ ഹൈക്കിങ് സൈലന്റ് ഡിസ്‌ക്കോ ഉള്‍പ്പെടെയുള്ള ഒട്ടനവധി പുതുമയുള്ള പരിപാടികളും ഈ ഒത്തു ചേരലിന്റെ രണ്ടാം പതിപ്പില്‍ ഒരുക്കിയിട്ടിട്ടുള്ളതായി സംഘാടകരായ സാഞ്ചസ് കുന്നതൊള്ളി,സൂരജ് അബ്ദുറഹ്മാന്‍ നടുക്കണ്ടി,ഷിജാസ് കുന്നത്തൊടിയില്‍,ശരണ്യ കുന്നത്,മേരി കൊടിഞ്ഞൂര്‍,അമല്‍ ചന്ദ്രന്‍,ഷിഫാ മാട്ടുമ്മത്തൊടി,റിന്‍ഷാദ് വഴങ്ങോടന്‍,ഷാനില്‍ കൊടുവാഴക്കല്‍,ഷെബിന്‍ പുന്നോത്ത്,അന്‍സി മീര സാഹിബ് ,ജഹാന കൊക്കത്ത് എന്നിവര്‍ അറിയിച്ചു.
പരിപാടിയെ കുറിച്ച് കൂടുതല്‍ വിവരങ്ങള്‍ക്ക് +44 7368235110 എന്ന നമ്പറിലോ british_malayaali എന്ന ഇന്‍സ്റ്റാഗ്രാം പേജിലോ ബന്ധപ്പെടാവുന്നതാണ്.