കോഴിക്കോട്: മാവൂര്‍ ഗ്രാമപ്പഞ്ചായത്ത് പതിനൊന്നാം വാര്‍ഡ് യുഡിഎഫ് നിലനിര്‍ത്തി. കോണ്‍ഗ്രസിലെ കെ.സി വാസന്തി 27 വോട്ടിന് ജയിച്ചു. ജയത്തോടെ മാവൂരില്‍ യുഡിഎഫിന് ഭൂരിപക്ഷമായി.
അതേസമയം, സ്ഥാനാര്‍ത്ഥികള്‍ മരിച്ചതിനെ തുടര്‍ന്ന് ഉപതെരഞ്ഞെടുപ്പു നടന്ന പന്മന പഞ്ചായത്തിലെ രണ്ടു വാര്‍ഡുകളിലും യുഡിഎഫിനു വിജയം. എല്‍ഡിഎഫിന്റെ സിറ്റിങ് സീറ്റുകളാണ് യുഡിഎഫ് പിടിച്ചെടുത്തത്. അഞ്ചാം വാര്‍ഡായ പറമ്പിമുക്കില്‍ എ.എം. നൗഫല്‍ (മുസ്‌ലിം ലീഗ്), 13ാം വാര്‍ഡായ ചോലയില്‍ അനില്‍കുമാര്‍ (കോണ്‍ഗ്രസ്) എന്നിവരാണു വിജയിച്ചത്.
അഞ്ചാം വാര്‍ഡില്‍ നൗഫലിന് 1014 വോട്ടും എല്‍ഡിഎഫ് സ്ഥാനാര്‍ഥി ജെ. അനിലിന് 678 വോട്ടും ലഭിച്ചു. മൂന്നാമതെത്തിയ ബിജെപി സ്ഥാനാര്‍ഥി പൊന്മന ശ്രീകുമാറിന് 18 വോട്ടുകളേ ലഭിച്ചുള്ളൂ. 13ാം വാര്‍ഡില്‍ യുഡിഎഫ് 745 വോട്ടും എല്‍ഡിഎഫ് സ്ഥാനാര്‍ഥി പരമേശ്വരന്‍ 674 വോട്ടും നേടിയപ്പോള്‍ ബിജെപി സ്ഥാനാര്‍ഥി ജെ. പങ്കജാക്ഷന് 362 വോട്ടുകളാണു ലഭിച്ചത്.