യുഎപിഎ നിയമം റദ്ദാക്കണമെന്ന് ലോക്‌സഭയില്‍ ആവശ്യപ്പെട്ട് കോണ്‍ഗ്രസ് എംപി ശശി തരൂര്‍. ആവശ്യം ഉന്നയിച്ച് ശശി തരൂര്‍ സ്വകാര്യ ബില്‍ അവതരിപ്പിച്ചു. യുഎപിഎ നിയമം ജനാധിപത്യത്തിന് കളങ്കമാണ്. അക്രമ സംഭവങ്ങളുമായി ഒരു ബന്ധവുമില്ലാതെയാണ് യുഎപിഎ കേസുകളില്‍ 66 ശതമാനം അറസ്റ്റുകളുമെന്ന് അദ്ദേഹം ചൂണ്ടിക്കാട്ടി. 2014 മുതല്‍ യുഎപിഎ കേസുകളിലെ ശിക്ഷാ നിരക്ക് 2.4 ശതമാനം മാത്രമാണെന്നും സംസ്ഥാനങ്ങള്‍ ഈ വകുപ്പ് ദുരുപയോഗം ചെയ്യുകയാണെന്നും ശശി തരൂര്‍ എംപി സ്വകാര്യ ബില്ലില്‍ വിമര്‍ശിച്ചു.