അബുദാബി: സഹിഷ്ണുതയും മതമൈത്രിയും യഥാര്‍ത്ഥ രൂപത്തില്‍ പ്രാവര്‍ത്തികമാക്കി ലോകത്തിന് സമര്‍പ്പിക്കുന്നതില്‍ യുഎഇയുടെ പങ്ക് നിസ്തുലമാണെന്ന് അല്‍അസ്ഹര്‍ ഗ്രാന്റ് ഇമാമും മുസ്ലിം കൗണ്‍സില്‍ ഓഫ് എല്‍ഡേഴ്‌സ് ചെയര്‍മാനുമായ ഡോ.അഹമദ് അല്‍തയ്ബ് വ്യക്തമാക്കി.
ബഹ്‌റൈനില്‍ യുഎഇ സഹിഷ്ണുതാ വകുപ്പ് മന്ത്രി ശൈഖ് നഹ്‌യാന്‍ ബിന്‍ മുബാറകുമായി നടത്തിയ കൂടിക്കാഴ്ചയില്‍ അദ്ദേഹം യുഎഇ ഈ രംഗത്ത് നടത്തുന്ന സേവനങ്ങളെ പ്രശംസിച്ചു. ലോകത്തിന് ഇസ്ലാമിന്റെ യഥാര്‍ത്ഥ സന്ദേശം കൈമാറുന്നതില്‍ ഗ്രാന്റ് ഇമാം നടത്തിവരുന്ന സേവനങ്ങള്‍ വിലമതിക്കാനാവാത്തതാണെന്ന് ശൈഖ് നഹ്‌യാന്‍ ബിന്‍ മുബാറക് പറഞ്ഞു.