ദുബായ്: അമിതാഭ് ബച്ചന്റെ ആരാധികയാണെന്നും അദ്ദേഹത്തിന്റെ സിനിമകള്‍ കണ്ടാണ് താന്‍ വളര്‍ന്നതെന്നും യുഎഇ സാംസ്‌കാരിക യുവജന വകുപ്പ് മന്ത്രി നോറ അല്‍ കാബി. ഐപിഎല്‍ നടത്തിപ്പ് യുഎഇയ്ക്കു ലഭിച്ചതിനെ തുടര്‍ന്ന് ഇരുരാജ്യങ്ങളിലെയും പ്രമുഖരെ പങ്കെടുപ്പിച്ച് നടത്തിയ ഓണ്‍ലൈന്‍ യോഗത്തിലാണ് മന്ത്രി ഇക്കാര്യം വ്യക്തമാക്കിയത്.
ഇന്ത്യന്‍ സംസ്‌കാരം മനസ്സിലാക്കുന്നതില്‍ ബോളിവുഡ് സിനിമകള്‍ സഹായിച്ചിട്ടുണ്ടെന്നും മന്ത്രി പറഞ്ഞു. ഇന്ത്യയുമായി 4000 വര്‍ഷം മുമ്പ് തന്നെ യുഎഇയ്ക്ക് ബന്ധമുണ്ട്. ഭൂമിശാസ്ത്രപരവും സാംസ്‌കാരികവുമായ ഈ അടുപ്പം ഭക്ഷണ രീതികളെയും സ്വാധീനിച്ചിട്ടുണ്ട്. ഇന്ത്യയുമായുള്ള ബന്ധം ശക്തവും സുതാര്യവുമാണ്.
ഇന്ത്യയുടെ രാഷ്ട്രപിതാവ് മഹാത്മാ ഗാന്ധി, യുഎഇ രാഷ്ട്രപിതാവ് ഷെയ്ഖ് സായിദ് ബിന്‍ സുല്‍ത്താന്‍ അല്‍ നഹ്യാന്‍ എന്നിവരുടെ ജീവിത മുഹൂര്‍ത്തങ്ങളുടെ ഒരുമിച്ചുള്ള പ്രദര്‍ശനം ഉടന്‍ നടത്തുകയാണ് അടുത്ത ലക്ഷ്യമെന്നും നോറ അല്‍ കാബി പറഞ്ഞു. ഇന്ത്യയും