ദുബായ്: യുഎഇയില്‍ ഇന്ന് 1278 പേര്‍ക്കുകൂടി കോവിഡ് സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. അതേ സമയം 1,606 പേര്‍ രോഗമുക്തി നേടി. 24 മണിക്കൂറിനിടെ ഒരു കോവിഡ് മരണവും റിപ്പോര്‍ട്ട് ചെയ്തിട്ടുണ്ട്.
ഇതോടെ രാജ്യത്ത് കോവിഡ് ബാധിച്ചവരുടെ ആകെ എണ്ണം 133,907 ആയി. ഇവരില്‍ 130,508 പേര്‍ രോഗമുക്തി നേടിയവരാണ്.
രാജ്യത്ത് ഇതുവരെ 496 പേര്‍ കോവിഡ് ബാധ കാരണം മരിച്ചു. നിലവില്‍ 2,903 കോവിഡ് രോഗികള്‍ ആശുപത്രികളിലും വീടുകളിലുമായി ചികിത്സയില്‍ കഴിയുന്നു. കഴിഞ്ഞ 24 മണിക്കൂറിനിടെ 112,546 കോവിഡ് പരിശോധനകളാണ് നടത്തിയത്. ഇതുവരെ യുഎഇയില്‍ 1.3 കോടിയിലധികം പരിശോധനകള്‍ പൂര്‍ത്തിയാക്കി.