പ്രതിഷേധം ശക്തമായപ്പോൾ യു ടേണടിച്ച് സർക്കാർ. യൂത്ത് ലീഗിന്റെ വൈറ്റ് ഗാർഡിന് ദുരന്ത ഭൂമിയിൽ രക്ഷാപ്രവർത്തകർക്ക് ഭക്ഷണ വിതരണം തുടരാമെന്ന് മന്ത്രി മുഹമ്മദ് റിയാസ് അറിയിച്ചു. ദുരന്തമുണ്ടായ അന്ന് മുതൽ ആയിരങ്ങൾക്ക് അന്നം നൽകിയ യൂത്ത് ലീഗിന്റെ വൈറ്റ് ഗാർഡിനെ അകാരണമായി വിലക്കിയ നടപടിക്കെതിരെ പൊതുസമൂഹം വളരെ രോഷത്തോടെയാണ് പ്രതികരിച്ചത്. ഇതാണ് സർക്കാറിനെ മാറി ചിന്തിക്കാൻ പ്രേരിപ്പിച്ചത്.
ഇടത് സംഘടനകൾ വരെ ഭക്ഷണം കഴിച്ച സംവിധാനം പെട്ടെന്ന് നിർത്തിയതോടെ പ്രദേശത്ത് വലിയ പ്രതിസന്ധി രൂപപ്പെടുകയും ചെയ്തിരുന്നു. ഭക്ഷണം ലഭിക്കാതെ നിരവധി രക്ഷാപ്രവർത്തകരാണ് പരാതിയുമായി രംഗത്തെത്തിയത്. കിട്ടിയ ഭക്ഷണം ഡേറ്റ് കഴിഞ്ഞതാണെന്നും പരാതി ഉയർന്നു.