മക്ക: മക്കയിലെ ഹോട്ടലില്‍ രണ്ടു പേര്‍ കുത്തേറ്റ് മരിച്ചു. അള്‍ജീരിയന്‍ പൗരന്മാര്‍ തമ്മിലുണ്ടായ സംഘര്‍ഷത്തിലാണ് കുത്തേറ്റ് മരിച്ചത്. ഒരേ രാജ്യക്കാരായ ഇവര്‍ക്കിടയില്‍ ആക്രമവും കുത്തും നടന്നതായി മക്ക പൊലീസ് അറിയിച്ചു. പ്രതിയെ പൊലീസ് അറസ്റ്റ് ചെയ്തു.
ഹോട്ടലിന്റെ ഇടനാഴിയില്‍ ഒരാള്‍ രക്തത്തില്‍ കിടക്കുന്നത് ശ്രദ്ധയില്‍ പെട്ട ഹോട്ടല്‍ ജീവനക്കാരിലൊരാള്‍ അധികൃതരെ അറിയിക്കുകയായിരുന്നു. ഹോട്ടലിലെ സിസിടിവി ക്യാമറകള്‍ പരിശോധിച്ച് കുറ്റവാളിയെ തിരിച്ചറിഞ്ഞു.
ഹോട്ടലില്‍ നിന്ന് പ്രതി ഓടി രക്ഷപ്പെടാന്‍ ശ്രമിച്ചെങ്കിലും പിടികൂടി. രണ്ടു മൃതദേഹങ്ങളും മോര്‍ച്ചറിയിലേക്ക് മാറ്റി.