ആലപ്പുഴ ചെങ്ങന്നൂര്‍ മുളക്കുഴയില്‍ വാഹനാപകടത്തെ തുടര്‍ന്ന് രണ്ട് പേര്‍ മരിച്ചു. ചേര്‍ത്തല സ്വദേശികളായ ഷിനോയ്, വിഷ്ണു എന്നിവരാണ് മരണപ്പെട്ടത്. ചേര്‍ത്തലയില്‍ നിന്ന് വന്ന കാറും കെ.എസ്.ആര്‍.ടി.സി കെ സ്വിഫ്റ്റ് ബസും കൂട്ടിയിടിച്ചാണ് അപകടം ഉണ്ടായത്.
ഇന്നലെ രാത്രി പന്ത്രണ്ടോടുകൂടിയാണ് സംഭവം. കെ സ്വിഫ്റ്റ് ബസിലേക്ക് കാര്‍ ഇടിച്ചുകയറുകയായിരുന്നു. കാറിലുണ്ടായിരുന്ന രണ്ടുപേരും സംഭവസ്ഥലത്ത് വെച്ച് തന്നെ മരണപ്പെട്ടു. രണ്ടുപേരുടെയും മൃതദേഹം ചെങ്ങന്നൂര്‍ ജില്ലാ ആശുപത്രിയിലേക്ക് മാറ്റി. നാട്ടുകാരും ഫയര്‍ ഫോഴ്‌സും ചേര്‍ന്നാണ് യുവാക്കളെ കാറില്‍ നിന്ന് പുറത്തെടുത്തത്.