ഗുരുവായൂരിലെ ലോഡ്ജില്‍ രണ്ടു കുട്ടികളെ മരിച്ച നിലയില്‍ കണ്ടെത്തി. 14, 8 പ്രായമുള്ള കുട്ടികളാണ് മരിച്ചത്. ഗുരുതരാവസ്ഥയിലുള്ള കുട്ടികളുടെ പിതാവിനെ ആശുപത്രിയിലേക്ക് മാറ്റി. മക്കളെ കൊലപ്പെടുത്തിയ ശേഷം പിതാവ് ആത്മഹത്യയ്ക്ക് ശ്രമിച്ചതാകാം എന്നാണ് പൊലീസ് കരുതുന്നത്.
തിരിച്ചറിയല്‍ രേഖ പ്രകാരം വയനാട് സുല്‍ത്താന്‍ബത്തേരി സ്വദേശി ചന്ദ്രശേഖരനും മക്കളുമാണ്. കഴിഞ്ഞദിവസം രാത്രിയോടെയാണ് ഇവര്‍ മുറിയെടുത്തത്. ഒരാള്‍ തൂങ്ങിമരിച്ച നിലയിലും മറ്റൊരാള്‍ മരിച്ചു കിടക്കുന്ന നിലയിലുമായിരുന്നു. പിതാവ് ഞരമ്പ് മുറിച്ച നിലയില്‍ ആശുപത്രിയില്‍ ചികിത്സയിലാണ്. രാവിലെ മുറി തുറക്കാത്തത് ശ്രദ്ധയില്‍പ്പെട്ട ലോഡ്ജ് ജീവനക്കാരാണ് പൊലീസിനെ വിളിച്ച് പരിശോധിച്ചപ്പോഴാണ് സംഭവം പുറത്തിറിയുന്നത്. സംഭവത്തില്‍ വിശദമായ അന്വേഷണം ആരംഭിച്ചു.