മലപ്പുറം: തിരൂര്‍ തൃക്കണ്ടിയൂരില്‍ വീടിനുസമീപത്തെ കുളത്തില്‍ വീണ് രണ്ട് കുഞ്ഞുങ്ങള്‍ മുങ്ങി മരിച്ചു. മൂന്നും നാലും വയസുള്ള കുട്ടികളാണ് മരിച്ചത്. ഇല്ലത്തുപറമ്പല്‍ റഷീദ്-റഹിയാനത്ത് ദമ്പതികളുടെ മകള്‍ റിയ, കാവുങ്ങ പറമ്പില്‍ നൗഷാദ്-നജീല ദമ്പതികളുടെ മകന്‍ അമന്‍ എന്നീവരാണ് മരിച്ചത്.
ഇന്ന് ഉച്ചയോടെയായിരുന്നു അപകടം സംഭവിച്ചത്. കുട്ടികളെ കാണതായപ്പോള്‍ വീട്ടുകാര്‍ സമീപത്തെ അംണവാടിയില്‍ പോയതാകുമെന്ന് കരുതി. എന്നാല്‍ അംണവാടിയില്‍ അന്വേഷിച്ചപ്പോള്‍ കുട്ടികള്‍ അവിടെ എത്തിയിട്ടില്ലെന്ന് പറഞ്ഞു. തുടര്‍ന്നുള്ള അന്വേഷണത്തില്‍ അയല്‍വാസികളായ കുട്ടികളുടെ മൃതദേഹം സമീപത്തെ പെരുങ്കൊല്ലം കുളത്തില്‍ നിന്ന് കണ്ടെത്തുകയായിരുന്നു. കുഞ്ഞുങ്ങളുടെ മൃതദേഹം തിരൂര്‍ ഗവ. ആശുപത്രിയിലാണ്.