പോക്‌സോ കേസിലെ പ്രധാന സാക്ഷിയെ ഭീഷണിപ്പെടുത്തിയ സംഭവത്തില്‍ രണ്ടുപേര്‍ പിടിയില്‍. കേസിലെ പ്രതി അര്‍ഷ് (21), സിയാദ് (31) എന്നിവരാണ് കണ്ണനല്ലൂര്‍ പൊലീലിന്റെ പിടിയിലായത്. കേസിലെ പ്രധാന സാക്ഷിയെ രണ്ടുപേരും ചേര്‍ന്ന് ദേഹോപദ്രവം ചെയ്തതായും പറയുന്നുണ്ട്.
2021ല്‍ പ്രായപൂര്‍ത്തിയാകാത്ത പെണ്‍കുട്ടിയെ തടഞ്ഞിനിര്‍ത്തി പീഡിപ്പിച്ച കേസിലെ പ്രതിയും ബന്ധുവുമാണ് അറസ്റ്റിലായത്. കേിസലെ പ്രധാന സാക്ഷിയായ 14 വയസ്സുകാരനെയാണ് പ്രതികള്‍ പൊതുവഴിയില്‍ തടഞ്ഞു നിര്‍ത്തി കേസിന്റെ വിചാരണയില്‍ മൊഴി കൊടുത്താല്‍ അപായപ്പെടുത്തുമെന്ന് പറഞ്ഞ് ഭീഷണിപ്പെടുത്തി ദേഹോപദ്രവം ചെയ്തത്. കുട്ടിയുടെ പരാതിയില്‍ കണ്ണനല്ലൂര്‍ പൊലീസ് കേസെടുത്ത് അന്വേഷണം നടത്തിവരികയായിരുന്നു.