ന്യൂഡല്‍ഹി: ന്യൂ ലെയര്‍ ഷോട്ട് ബോഡി പെര്‍ഫ്യൂമിന്റെ പരസ്യ വീഡിയോ പിന്‍വലിക്കാന്‍ യൂട്യൂബിനും ട്വിറ്ററിനും കേന്ദ്ര വാര്‍ത്താ പ്രക്ഷേപണ മന്ത്രാലയം നിര്‍ദേശം നല്‍കി. പരസ്യം സ്ത്രീകള്‍ക്കെതിരായ അതിക്രമങ്ങള്‍ക്ക് പ്രേരിപ്പിക്കുന്നതാണെന്ന വിമര്‍ശനത്തെതുടര്‍ന്നാണ് നടപടി.
രണ്ട് ഹ്രസ്വ വീഡിയോകളാണ് ന്യൂലെയര്‍ ഷോട്ടിന്റെ പരസ്യത്തിനായി കമ്പനി സാമൂഹ്യ മാധ്യമങ്ങളില്‍ പ്രസിദ്ധപ്പെടുത്തിയിരുന്നത്. സ്ത്രീകള്‍ക്കെതിരെ ദ്വയാര്‍ത്ഥ പ്രയോഗങ്ങള്‍ അടങ്ങിയതാണ് പരസ്യമെന്ന് ചൂണ്ടിക്കാട്ടി വലിയ വിമര്‍ശനം ഉയര്‍ന്നിരുന്നു.