കുവൈത്ത് സിറ്റി: റീട്ടയില്‍ മേഖലയിലെ പ്രമുഖ സംരംഭമായ ലുലു ഹൈപ്പര്‍ മാര്‍ക്കറ്റ് 20-ാം വാര്‍ഷികം ആഘോഷിക്കുന്നു. കുവൈത്തില്‍ പ്രവര്‍ത്തനമാരംഭിച്ചതിന്റെ 20-ാം വാര്‍ഷികമാണ് ആഘോഷിക്കുന്നത്. വാര്‍ഷികത്തോടനുബന്ധിച്ച് ഒക്ടോബര്‍ 26 മുതല്‍ നവംബര്‍ ഒന്നു വരെ ലുലു ഹൈപ്പര്‍ മാര്‍ക്കറ്റ് മെഗാ പ്രമോഷന്‍ സംഘടിപ്പിക്കും. ഒരാഴ്ച നീണ്ടുനില്‍ക്കുന്ന പ്രമോഷനില്‍ പ്രത്യേക ഓഫറുകളാണ് പ്രഖാപിച്ചിട്ടുള്ളത്.
20 ദിനാര്‍ വിലയുള്ള നിശ്ചിത ഉല്‍പന്നങ്ങള്‍ക്ക് 20 ദിനാര്‍ സൗജന്യ സമ്മാന വൗച്ചര്‍, പ്രത്യേക ഇനങ്ങളില്‍ ബൈ വണ്‍ ഗെറ്റ് വണ്‍ സൗജന്യം തുടങ്ങിയ ഓഫറുകളാണ് പ്രഖ്യാപിച്ചിട്ടുള്ളത്. എന്നാല്‍ ലുലുവിന്റെ വാര്‍ഷികത്തിന്റെ പേരില്‍ സമൂഹ മാധ്യമങ്ങളില്‍ വ്യാജ സന്ദേശം പ്രചരിക്കുന്നുണ്ട്. വ്യാജപ്രചരണത്തിനെതിരെ നടപടി സ്വീകരിക്കുമെന്ന് ലുലു ഗ്രൂപ്പ് അറിയിച്ചിട്ടുണ്ട്.