‘പരിശ്രമിച്ചു, അത് വോട്ടാക്കി മാറ്റാന്‍ കഴിഞ്ഞില്ല’: പ്രിയങ്ക ഗാന്ധി

കോണ്‍ഗ്രസിന്റെ പരിശ്രമം വോട്ടാക്കി മാറ്റാന്‍ സാധിച്ചില്ലെന്ന് കോണ്‍ഗ്രസ് നേതാവ് പ്രിയങ്ക ഗാന്ധി. പാര്‍ട്ടി പ്രവര്‍ത്തകരും നേതാക്കളും കഠിനാധ്വാനം ചെയ്തു. ജനങ്ങളുടെ പ്രശ്‌നങ്ങള്‍ പരിഹരിക്കാന്‍ പോരാടി. എന്നാല്‍ വോട്ടിംഗില്‍ അത് പ്രതിഫലിച്ചില്ലെന്ന് പ്രിയങ്ക പറഞ്ഞു. യുപിയുടെയും പൊതുജനങ്ങളുടെയും ഉന്നമനത്തിനായി കൃത്യമായ അജണ്ടയാണ് കോണ്‍ഗ്രസ് പിന്തുടരുന്നതെന്നും എല്ലാ ഉത്തരവാദിത്വത്തോടെ പ്രതിപക്ഷ ദൗത്യം നിര്‍വഹിക്കുമെന്നും പ്രിയങ്ക പറഞ്ഞു.