എലത്തൂര്‍ ട്രെയിന്‍ തീവെപ്പ് കേസിലെ പ്രതി ഷാരൂഖ് സെയ്ഫിയെ പൊലീസ് കസ്റ്റഡിയില്‍ വിട്ടു. 11 ദിവസത്തെ കസ്റ്റഡിയിലാണ് കോഴിക്കോട് ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി അനുവദിച്ചത്. പിന്നാലെ പ്രതിയെ എ ആര്‍ ക്യാമ്പിലേക്ക് മാറ്റി.
അതേസമയം പ്രതിക്കെതിരെ കൊലക്കുറ്റം ചുമത്തി. 3 പേരുടെ മരണത്തില്‍ പങ്കുണ്ടെന്നാണ് കണ്ടെത്തല്‍. എന്നാല്‍, പ്രതിക്കെതിരെ യു.എ.പി.എ ചുമത്തുന്ന കാര്യത്തില്‍ തീരുമാനമായിട്ടില്ല. കണ്ണൂര്‍ മട്ടന്നൂര്‍ സ്വദേശി റഹ്മത്ത്, സഹോദരിയുടെ മകള്‍ രണ്ടുവയസുകാരി സഹ്റ, കണ്ണൂര്‍ സ്വദേശി നൗഫിക്ക് എന്നിവരാണ് മരിച്ചിരുന്നത്.