ട്രെയിനില്‍ നിന്ന് വീണ് യുവാവിന് മാരകപരിക്ക്. എറണാകുളം പിറവം സ്വദേശി രതീഷ് കുമാര്‍ (36)നാണ് പരിക്കേറ്റത്. കഴിഞ്ഞ ദിവസം വൈകീട്ട് അഞ്ചുമണിയൊടെയാണ് അപകടമുണ്ടായത്. ശാസ്താംകോട്ട റെയില്‍വേ സ്‌റ്റേഷനിലായിരുന്നു സംഭവം.
ട്രെയിനിന്റെ വാതിലിനടുത്ത് നിന്നിരുന്ന രതീഷ് സ്‌റ്റേഷനില്‍ ട്രെയിന്‍ നിര്‍ത്താറയപ്പോള്‍ മറ്റുള്ള യാത്രക്കാര്‍ക്ക് ഇറങ്ങാന്‍ വേണ്ടി ട്രെയിനില്‍ ഇറങ്ങികൊടുക്കുന്നതിനിടയില്‍ പാളത്തിലേക്ക് വീഴുകയായിരുന്നു. കൈക്കും കാലിനും മാരകമായ പരിക്കിനെ തുടര്‍ന്ന് ശാസ്താംകോട്ടയിലെ സ്വകാര്യ ആശുപത്രിയില്‍ എത്തിച്ച് പ്രാഥമിക ചികിത്സയ്ക്കു ശേഷം കോട്ടയം മെഡിക്കല്‍ കോളേജിലേക്ക്മാറ്റി.