ന്യൂഡല്‍ഹി: ഓണ്‍ലൈന്‍ പരസ്യം കണ്ടു മുഷിഞ്ഞ വീഡിയോ പ്രേമികള്‍ക്ക് നല്ലവാര്‍ത്തയുമായി ട്രായ്. തനിയെ ഡൗണ്‍ലോഡ് ചെയ്യപ്പെടുന്ന ഓണ്‍ലൈന്‍ പരസ്യങ്ങളെ നിയന്ത്രിക്കാന്‍ ടെലികോം റഗുലേറ്ററി അതോറിറ്റി (ട്രായ്) നീക്കം നടക്കുനന്നതായി റിപ്പോര്‍ട്ട്. ഇതു സംബന്ധിച്ച പ്രാഥമിക ചര്‍ച്ചകള്‍ക്കായി ഒക്ടോബര്‍ മാസം 24നു ഹൈദരാബാദില്‍ ട്രായ് പ്രത്യേകം സെമിനാര്‍ സംഘടിപ്പിച്ചു. വ്യവസായ വിദഗ്ധരും ടെലികോം സേവനദാതാക്കളും സോഷ്യല്‍ മീഡിയ കമ്പനികളും പങ്കെടുക്കുന്ന ചര്‍ച്ചയ്ക്ക് ഹൈദരാബാദിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ടെക്‌നോളജിയാണു നേതൃത്വം നല്‍കുന്നത്.
ഓണ്‍ലൈന്‍ ഉപയോക്താക്കള്‍ക്കു തങ്ങളുടെ സമ്മതത്തോടെയല്ലാതെ സ്വയം ഡൗണ്‍ലോഡ് ചെയ്യപ്പെടുന്ന പരസ്യങ്ങള്‍ക്കു പണം നല്‍കേണ്ടിവരുന്ന സാഹചര്യം ആശാസ്യമല്ലെന്നാണു ട്രായിയുടെ നിലപാട്. എത്ര ഡേറ്റ ഉപയോഗിക്കപ്പെടുന്നു, ഇത് എങ്ങനെ നിയന്ത്രിക്കാം, ഇത്തരത്തിലുള്ള ഡേറ്റ വിനിയോഗത്തിനു പരിധി നിര്‍ണയിക്കാനാവുമോ തുടങ്ങിയ കാര്യങ്ങളാണു ചര്‍ച്ചചെയ്യുക.