ശിവമോഗ: ഹലാല്‍ മാംസം വിറ്റതിന് കര്‍ണാടകയില്‍ മുസ്‌ലിം വ്യാപാരിക്ക് ബജ്‌റംഗ്ദള്‍ അക്രമികളുടെ ക്രൂരമര്‍ദനം. ഹൊസാമനെ പ്രദേശത്ത് ബുധനാഴ്ച ഉച്ചക്ക് 12.30ഓടെയാണ് സംഭവം.
തൗസിഫ് എന്നയാള്‍ക്കാണ് മര്‍ദനമേറ്റത്. ഇയാളുടെ കോഴിക്കടയില്‍ ‘നോണ്‍ഹലാ ല്‍’ ഇറച്ചി വില്‍ക്കാന്‍ പ്രവര്‍ത്തകര്‍ ആവശ്യപ്പെട്ടതായി പൊലീസില്‍ നല്‍കിയ പരാതിയില്‍ പറയുന്നു. സംഭവവുമായി ബന്ധപ്പെട്ട് അഞ്ചു പേരെ അറസ്റ്റ് ചെയ്തതായി ജില്ലാ പൊലീസ് സൂപ്രണ്ട് ബി. എം ലക്ഷ്മി പ്രസാദ് പറഞ്ഞു.