വിവാഹ വാഗ്ദാനം നല്‍കി പീഡിപ്പിച്ചുവെന്ന യുവതിയുടെ പരാതിയില്‍ സിനിമ സീരിയല്‍ റിയാലിറ്റി ഷോ താരം ഷിയാസ് കരീം പിടിയില്‍. വിദേശത്ത് നിന്ന് എത്തിയ ഷിയാസ് കരീം ചെന്നൈ എയര്‍പോര്‍ട്ടിലാണ് പിടിയിലായത്. ലുക്ക് ഔട്ട് നോട്ടീസ് പുറപ്പെടുവിച്ചതിനാല്‍ ഉദ്യോഗസ്ഥര്‍ ഇദ്ദേഹത്തെ തടഞ്ഞു നിര്‍ത്തുകയായിരുന്നു.
കേരള പൊലീസ് സംഘം ചെന്നൈയിലെത്തി ഷിയാസിന്റെ അറസ്റ്റ് രേഖപ്പെടുത്തും. കാസര്‍കോട് ഹുദ്ദുര്‍ഗ്ഗ സ്വദേശിയായ യുവതിയാണ് ഷിയാസ് കരീമിനെതിരെ പീഡന പരാതി നല്‍കിയത്. എറണാകുളത്തെ ജിമ്മില്‍ ട്രെയിനറായി ജോലി ചെയ്യുകയായിരുന്നു യുവതി. ഇതിനിടയില്‍ സൗഹൃദം സ്ഥാപിച്ച് വിവാഹ വാഗ്ദാനം നല്‍കി പീഡിപ്പിച്ചു എന്നാണ് പരാതിയില്‍ പറയുന്നത്. പണം തട്ടിയെടുത്തതായും പരാതിയില്‍ ഉണ്ട്.