ഗോഹട്ടി:ആദ്യ മല്‍സരത്തില്‍ തകര്‍പ്പന്‍ വിജയം സ്വന്തമാക്കിയ രാജസ്ഥാന്‍ റോയല്‍സ് ഇന്ന് ഇന്ത്യന്‍ പ്രീമിയര്‍ ലീഗ് ക്രിക്കറ്റിലെ രണ്ടാം മല്‍സരത്തിന്. ഇന്ദിരാഗാന്ധി സ്‌റ്റേഡിയത്തില്‍ പഞ്ചാബ് കിംഗ്‌സാണ് പ്രതിയോഗികള്‍. ഹൈദരാബാദില്‍ സണ്‍റൈസേഴ്‌സ് ഹൈദരബാദിനെതിരെ കൂറ്റന്‍ സ്‌ക്കോര്‍ സ്വന്തമാക്കിയായിരുന്നു റോയല്‍സ് ജയിച്ചത്.
ഓപ്പണര്‍മാരായ ജോസ് ബട്‌ലറും യശ്‌സവി ജയ്‌സ്‌വാളും സഞ്ജുവും അര്‍ധശതകങ്ങള്‍ സ്വന്തമാക്കി. അതേ ബാറ്റിംഗ് മികവ് തന്നെയായിരിക്കും കുമാര്‍ സങ്കക്കാരയും സംഘവും ലക്ഷ്യമാക്കുന്നത്. ഇംഗ്ലീഷ് ഏകദിന ടീമിന്റെ നായകനായ ബട്‌ലര്‍ പവര്‍ പ്ലേ ഘട്ടത്തില്‍ ഏറ്റവും വലിയ അപകടകാരിയാണ്. അദ്ദേഹത്തെ തളക്കാന്‍ പഞ്ചാബിന്റെ പുതിയ ബോള്‍ ബൗളര്‍ കാഗിസോ റബാദക്കായാല്‍ മാത്രമായിരിക്കും റണ്ണൊഴുക്ക് തടയാനാവുക. റബാദക്കൊപ്പം ഇന്ത്യയുടെ ടി-20 സീമറായ അര്‍ഷദിപ് സിംഗും പഞ്ചാബ് സംഘത്തിലുണ്ട്. ഇവര്‍ നല്‍കുന്ന തുടക്കമായിരിക്കും പഞ്ചാബിന്റെ പ്രതീക്ഷ. ബൗളിംഗിലും പേടിക്കാനില്ല. ട്രെന്‍ഡ് ബോള്‍ട്ടും ജാസോണ്‍ ഹോള്‍ഡറും ഒബെദ് മക്കോയിയുമെല്ലാമുണ്ട്. സ്പിന്നര്‍മാരായി യൂസവേന്ദ്ര ചാഹലും രവിചന്ദ്രന്‍ അശ്വിനും ആദം സാംപയുമെല്ലാം.