ലോര്‍ഡ്‌സ്: ഓവലിലെ തകര്‍പ്പന്‍ വിജയം നല്‍കിയ ആവേശത്തില്‍ ഇന്ത്യ ഇന്ന് ലോര്‍ഡ്‌സില്‍ പരമ്പര സ്വന്തമാക്കാന്‍ ഇറങ്ങുന്നു. മൂന്ന് മല്‍സര ഏകദിന പരമ്പരയിലെ ഇന്നത്തെ മല്‍സരവും സ്വന്തമാക്കിയാല്‍ രോഹിത് ശര്‍മയുടെ സംഘത്തിന് കിരീടം സ്വന്തമാക്കാം.
2019 ല്‍ ലോര്‍ഡ്‌സില്‍ നടന്ന ഏകദിന ലോകകപ്പ് ഫൈനല്‍ സ്വന്തമാക്കിയവരാണ് ഇംഗ്ലണ്ട്. മൂന്നാഴ്ച്ച മുമ്പ് നെതര്‍ലന്‍ഡ്‌സിനെതിരായ ഏകദിനത്തില്‍ 498 റണ്‍സ് വാരിക്കൂട്ടി പരിമിത ഓവര്‍ മല്‍സരങ്ങളില്‍ ഉയര്‍ന്ന റണ്‍സ് നേടിയവരും ഇതേ ഇംഗ്ലണ്ട്. പക്ഷേ അവസാന മല്‍സരത്തില്‍ ഇന്ത്യക്ക് മുന്നില്‍ തകര്‍ന്ന ടീമിന്റെ മാനസികാവസ്ഥ വളരെ താഴ്ന്ന നിലയിലാണ്.മല്‍സരം വൈകിട്ട് 5:30ക്ക്