പത്തനംതിട്ട: പമ്പാനദിയില്‍ സഹോദരങ്ങള്‍ ഉള്‍പ്പെടെ മൂന്ന് യുവാക്കള്‍ ഒഴുക്കില്‍പ്പെട്ടതില്‍ 2 പേരുടെ മൃതദേഹം കണ്ടെത്തി. സഹോദരങ്ങളായ മെറിന്റെയും മെസിന്റെയും മൃതദേഹമാണ് കണ്ടെത്തിയത്. ചെട്ടിക്കുളങ്ങര സ്വദേശി എബിന്, കണിമങ്കലം സ്വദേശികളായ മെറിന്‍, മെസിന്‍ എന്നിവരാണ് ഒഴിക്കില്‍പ്പെട്ടത്. എബിന് വേണ്ടിയുള്ള തിരച്ചില്‍ തുടരുകയാണ്.
ഇന്ന് വൈകിട്ട് 3:30യോടെയാണ് അപകടം. മാരാമണ്‍ കണ്‍വെന്‍ഷന്‍ കാണാനെത്തിയ മൂന്ന് പേരാണ് അപകടത്തില്‍പെട്ടത്. കുളിക്കാനായി നദിയിലിറങ്ങിയപ്പോഴായിരുന്നു അപകടം. പത്തനംതിട്ടയില്‍ നിന്നുള്ള സ്‌കൂബാ അംഗങ്ങളും നാട്ടുകാരും ചേര്‍ന്ന് തിരച്ചില്‍ തുടരുകയാണ്.