തിരൂര്‍: മലപ്പുറം കാട്ടിലപ്പിള്ളിയില്‍ യുവാവ് കൊല്ലപ്പെട്ട സംഭവത്തില്‍ മുഖ്യപ്രതി പിടിയില്‍. തിരൂര്‍ കാട്ടിലപ്പിള്ളി സ്വദേശി ആഷിഖ് ആണ് അറസ്റ്റിലായത്. മുന്‍വൈരാഗ്യമാണ് കൊലപാതകത്തിലേക്ക് നയിച്ചതെന്നാണ് പ്രാഥമിക നിഗമനം.
ആഷിഖും പിതാവും സഹോദരങ്ങളും ചേര്‍ന്നാണ് യുവാവിനെ മര്‍ദിച്ചതെന്നും റിപ്പോര്‍ട്ടില്‍ പരാമര്‍ശിക്കുന്നു. പുറത്തൂര്‍ സ്വദേശി സ്വാലിഹ് ആയിരുന്നു കൊല്ലപ്പെട്ടത്.
പടിഞ്ഞാറെക്കര സ്വദേശി കൊമ്പന്‍ തറയില്‍ സ്വാലിഹാണ് കഴിഞ്ഞ ദിവസം കൊല്ലപ്പെട്ടത്. ഇന്നലെ പുലര്‍ച്ചെയാണ് മൃതദേഹം കണ്ടെത്തിയത്. ഇയാളുടെ കാലുകളില്‍ ആഴത്തില്‍ ഉള്ള മുറിവുകള്‍ കണ്ടെത്തിയിരുന്നു.