വളർത്തുനായയെ കൊന്ന പുലിയെ കൊലപ്പെടുത്തിയ സെക്യൂരിറ്റി ഗാർഡ് അറസ്റ്റിൽ

വളർത്തുനായയെ കൊന്ന പുലിയെ കൊലപ്പെടുത്തിയ സെക്യൂരിറ്റി ഗാർഡ് അറസ്റ്റിലായി.ബന്ദിപൂർ ടൈഗർ റിസർവിലുള്ള പുലിയെ കൊന്നതിനാണ് രമേശ് എന്നയാളെ വനം വകുപ്പ് അറസ്റ്റ് ചെയ്തത്. ഇയാളെ റിമാൻഡ് ചെയ്തു.കർണാടകയിലെ ബന്ദിപ്പൂരിനു സമീപം കൂറ്റനൂർ ഗ്രാമത്തിലാണ് സംഭവം. ഇയാളുടെ വളർത്തുനായയെ പുലി കടിച്ചുകൊന്നിരുന്നു.നായയുടെ മൃതദേഹത്തിൽ തന്നെ കീടനാശിനി തളിച്ചാണ് ഇയാൾ പുലിയെ കൊന്നത്.ഇയാൾ കരുതിയതുപോലെ പുലി എത്തി മൃതദേഹം ഭക്ഷിക്കുകയും കൊല്ലപ്പെടുകയും ചെയ്തു. വനം വകുപ്പ് നടത്തിയ അന്വേഷണത്തിൽ പുലി കൊല്ലപ്പെട്ടത് വിഷം ഉള്ളിൽ ചെന്നാണ് എന്ന് മനസിലാക്കി. രമേശിനെ കസ്റ്റഡിയിലെടുത്ത് ചോദ്യം ചെയ്തപ്പോൾ ഇയാൾ കുറ്റം സമ്മതിക്കുകയായിരുന്നു.