കാട്ടില്‍ വിറക് ശേഖരിക്കാന്‍ പോയ ആളെ കടുവ ആക്രമിച്ചു കൊന്നു. മഹാരാഷ്ട്രയിലെ ചന്ദ്രാപൂര്‍ ജില്ലയില്‍ ഞായറാഴ്ചയാണ് സംഭവം. 50കാരനായ ഭജന്‍ദാസ് പരോഹിയാണ് കടുവ ആക്രമണത്തില്‍ മരിച്ചത്.
ശനിയാഴ്ച കാട്ടിലേക്ക് വിറക് ശേഖരിക്കാന്‍ ജുനോന വനത്തിലേക്ക് പോയ പരോഹി വീട്ടിലേക്ക് മടങ്ങിയെത്തിയില്ല. തുടര്‍ന്ന് നടത്തിയ തിരച്ചിലില്‍ ഇന്ന് രാവിലെയാണ് വനത്തില്‍ നിന്ന് പരോഹിന്റെ മൃതദേഹം കണ്ടെത്തിയത്. കടുവ ആക്രമിച്ച നിലയിലായിരുന്നു മൃതദേഹം.