പാലക്കാട്: മണ്ണാര്‍ക്കാട് വീണ്ടും പുലി ഇറങ്ങിയതായി സംശയം. തത്തേങ്ങലത്താണ് വീണ്ടും പുലിയുടെ സാന്നിധ്യം ഉള്ളതായി സംശയിക്കുന്നത്. പുളിഞ്ചോട് മേലാറ്റിങ്കര മണികണ്ഠന്റെ വീട്ടിലെ വളര്‍ത്തു നായയെ ചത്ത നിലയില്‍ കണ്ടെത്തി.
ബഹളം കേട്ട് വീട്ടുകാര്‍ പുറത്തിറങ്ങി നോക്കിയപ്പോള്‍ വളര്‍ത്തു നായ ചത്ത നിലയില്‍ കിടക്കുന്നതാണ് കണ്ടത്. എന്നാല്‍ പുലിയെ കണ്ടെത്താന്‍ സാധിച്ചില്ല.
വനപാലകര്‍ സ്ഥലത്തെത്തി പരിശോധന നടത്തുന്നു. തത്തേങ്ങലത്ത് നേരത്തെ പുലിയെയും കുട്ടികളെയും കണ്ടെത്തിയിരുന്നു.