ഇടുക്കിയില്‍ വീണ്ടും കടുവ സാന്നിധ്യം കണ്ടെത്തിയതായി റിപ്പോര്‍ട്ട്. കഴിഞ്ഞ ദിവസം രാത്രിയില്‍ ജോലി കഴിഞ്ഞ് വീട്ടിലേക്ക് മടങ്ങിയ ആളാണ് കടുവയെ വഴിയരികില്‍ നില്‍ക്കുന്നത് കണ്ടത്. രാത്രി 10 മണിക്ക് ഇരട്ടയാള്‍ വെട്ടിക്കാമറ്റത്തിന് സമീപത്തുവച്ചാണ് ഇയാള്‍ കടുവയെ കണ്ടത്.
കഴിഞ്ഞ ഒരാഴ്ചയായി ഈ പ്രദേശത്ത് കടുവയുടെ സാന്നിധ്യം ഉള്ളതായി നാട്ടുകാര്‍ പറയുന്നുണ്ട്. തിങ്കളാഴ്ച വെളുപ്പിന് ടവര്‍ ഉദയഗിരി ജങ്ഷനില്‍ രണ്ട് കടുവകളെ കണ്ടെന്ന് ബൈക്ക് യാത്രികന്‍ പറഞ്ഞിരുന്നു. ഇതിന് പിന്നാലെയാണ് കഴിഞ്ഞ ദിവസം റോഡരികില്‍ മറ്റൊരാളും കടുവയെ കണ്ടത്.