കിള്ളിമംഗലത്ത് യുവാവ് അതിക്രൂരമായ ആൾക്കൂട്ട മർദനത്തിന് ഇരയായ സംഭവത്തിൽ നാലുപേരെ പൊലീസ് അറസ്റ്റ് ചെയ്തു.അടയ്ക്ക വ്യാപാരി അബ്ബാസ് ( 48) സഹോദരൻ ഇബ്രാഹിം (41) ബന്ധുവായ അൽത്താഫ് (21 ) അയൽവാസി കബീർ (35 )എന്നിവരാണ് അറസ്റ്റിലായത്. അടയ്ക്ക മോഷണമാരോപിച്ച് സന്തോഷ് എന്ന യുവാവിനെ മർദ്ദിച്ച കുറ്റത്തിനാണ് അറസ്റ്റ്. കേസിൽ കൂടുതൽ പ്രതികളുണ്ടാവുമെന്ന് ചേലക്കര പൊലീസ് പറഞ്ഞു. അതേസമയം മർദ്ദനത്തിൽ പരിക്കേറ്റ സന്തോഷ് ഗുരുതരാവസ്ഥയിൽ തൃശൂർ മെഡിക്കൽ കോളജിൽ ചികിത്സയിലാണ്.