തൃശൂരില്‍ ട്രെയിനില്‍നിന്ന് വീണ് രണ്ട് കുട്ടികള്‍ മരിച്ചു. കൊരട്ടി സ്വദേശികളായ കൃഷ്ണകുമാര്‍ (16) സഞ്ജയ് (17) എന്നിവരാണ് മരിച്ചത്.കൊരട്ടി അങ്ങാടി റെയില്‍ സ്റ്റേഷനിലാണ് സംഭവം. ട്രെയിനിന് സ്റ്റോപ്പിലാത്ത കൊരട്ടി അങ്ങാടിയില്‍ ട്രെയിനില്‍നിന്ന് ചാടി ഇറങ്ങാന്‍ ശ്രമിക്കുന്നതിനിടെയാണ് അപകടം. വെള്ളിയാഴ്ച പുലര്‍ച്ചെയാണ് സംഭവം.
കൊച്ചിയില്‍ ജോലിക്കുപോയി മടങ്ങുകയായിരുന്നു ഇരുവരും. കൊരട്ടിയില്‍ സ്‌റ്റോപ്പില്ലാത്തതിനാല്‍ ചാടിയിറങ്ങുകയായിരുന്നു. ഒരാള്‍ ട്രാക്കിന് പുറത്തേക്കും മറ്റൊരാള്‍ ട്രാക്കിലുമായാണ് തലയിടിച്ച് വീണത്.