തൃക്കാക്കര ഉപതെരഞ്ഞെടുപ്പ് ഈ മാസം 31ന്‌; വോട്ടെണ്ണല്‍ ജൂണ്‍ മൂന്നിന്‌

തൃക്കാക്കര നിയമസഭ മണ്ഡലം ഉപതെരഞ്ഞെടുപ്പ് തിയതി പ്രഖ്യാപിച്ചു. കേന്ദ്ര തെരഞ്ഞെടുപ്പ് കമ്മീഷനാണ് പ്രഖ്യാപിച്ചത്. മേയ് 31ന് ഉപതെരഞ്ഞെടുപ്പ് നടത്താനാണ് തീരുമാനം. ജൂണ്‍ മൂന്നിനായിരിക്കും വോട്ടെണ്ണല്‍ നടക്കുക. മേയ് നാലിനാണ് തെരഞ്ഞെടുപ്പ് വിജ്ഞാനം പുറപ്പെടുവിക്കുക. മേയ് 11 വരെ നാമനിര്‍ദേശപത്രിക സമര്‍പ്പിക്കാനും മേയ് 16 വരെ നാമനിര്‍ദേശ പത്രിക പിന്‍വലിക്കാനും സാധിക്കും. കോണ്‍ഗ്രസ് നേതാവ് പി.ടി.തോമസിന്റെ നിര്യാണത്തെ തുടര്‍ന്നാണ് തൃക്കാക്കരയില്‍ ഉപതെരഞ്ഞെടുപ്പ് നടക്കുന്നത്. തൃക്കാക്കരയോടൊപ്പം ഒഡീഷയിലേയും ഉത്തരാഖണ്ഡിലേയും ഓരോ സീറ്റുകളിലും മേയ് 31ന് തെരഞ്ഞെടുപ്പ് നടക്കും.