പെരിന്തല്‍മണ്ണയില്‍ ഗുഡ്‌സ് ഓട്ടോയ്ക്ക് തീപിടിച്ച് മൂന്ന് പേര്‍ മരിച്ചു

മലപ്പുറം പെരിന്തല്‍മണ്ണയില്‍ ഗുഡ്‌സ് ഓട്ടോറിക്ഷക്ക് തീ പിടിച്ച് മൂന്ന് പേര്‍ മരിച്ചു. ഒരു കുടുംബത്തിലെ മൂന്ന് പേരാണ് മരിച്ചത്. പെരിന്തല്‍മണ്ണക്കടുത്ത് ആക്കപ്പറമ്പിലാണ് സംഭവം നടന്നത്. മുഹമ്മദ്, ഭാര്യ ജാസ്മിന്‍, മകള്‍ ഫാത്തിമത്ത് എന്നിവരാണ് മരിച്ചത്. ഗുരുതരാവസ്ഥയിലുള്ള അഞ്ചുവയസുള്ള കുട്ടിയെ ആശുപത്രിയില്‍ പ്രവേശിപ്പിച്ചു. എങ്ങനെയാണ് അപകടം ഉണ്ടായതെന്ന് ഇതുവരെ വ്യക്തമല്ല. അപകടം നടന്ന വാഹനത്തില്‍ സ്‌ഫോടകവസ്തുക്കള്‍ ഉണ്ടായിരുന്നുവെന്നാണ് പ്രാഥമിക റിപ്പോര്‍ട്ട്. അതേസമയം, സ്‌ഫോടനശബ്ദം കേട്ടെന്ന് നാട്ടുകാര്‍ വ്യക്തമാക്കി. അപകടമാണോ ആത്മഹത്യയാണോ എന്ന് തുടങ്ങിയ കാര്യങ്ങളില്‍ പൊലീസ് പരിശോധന ആരംഭിച്ചു.