തിരുവനന്തപുരം: സംസ്ഥാന സര്‍ക്കാര്‍ ഇന്ധന നികുതി കുറക്കില്ലെന്നു വീണ്ടും വ്യക്തമാക്കി മന്ത്രി ഡോ. ടിഎം തോമസ് ഐസക്ക്. സംസ്ഥാന ഖജനാവ് പ്രതിസന്ധി നേരിടുന്ന പശ്ചാത്തലത്തില്‍ നികുതി കുറക്കാന്‍ സംസ്ഥാനത്തിന് കഴിയില്ലെന്നും അദ്ദേഹം വ്യക്തമാക്കി.
കേന്ദ്ര സര്‍ക്കാര്‍ പെട്രോളിയം ഉല്‍പ്പന്നങ്ങളെ ജിഎസ.ടി പരിധിയില്‍ ഉള്‍പ്പെടുത്തിയാല്‍ തുടര്‍ന്നുളള അഞ്ച് വര്‍ഷത്തേക്ക് കേരളത്തിന് നഷ്ടപരിഹാരം ലഭിക്കണമെന്നും ഐസക്ക് പറഞ്ഞു. കേന്ദ്രമന്ത്രി നിര്‍മ്മല സീതാരാമന്‍ ഇന്ധന നികുതി ജിഎസ്ടിയില്‍ കൊണ്ടുവരുന്നതിന് അനുകൂലമായെടുത്ത തീരുമാനത്തിന് ഏതിരാണ് കേരളമെന്നും ഐസക്ക് സൂചന നല്‍കി.