![](data:image/svg+xml;charset=utf-8,<svg height="555px" width="740px" xmlns="http://www.w3.org/2000/svg" version="1.1"/>)
തിരുവനന്തപുരത്ത് മദ്യലഹരിയില്‍ 84-കാരിയായ അമ്മയെ പീഡിപ്പിക്കാന്‍ ശ്രമിച്ചയാള്‍ അറസ്റ്റില്‍. സംഭവത്തില്‍ നാല്‍പത്തിയാറുകാരനായ പ്രതിയെ പൊലീസ് പിടികൂടി. വയോധികയുടെ ചെറുമകളാണ് പള്ളിക്കല്‍ പൊലീസില്‍ പരാതി നല്‍കിയത്. തിരുവനന്തപുരം വര്‍ക്കല പള്ളിക്കലിലാണ് സംഭവം.
ഇന്നലെ വൈകിട്ട് ഏഴരയോടെയാണ് സംഭവം. മകളും ചെറുമകളും സമീപത്തെ വീട്ടിലേക്ക് പോയ സമയത്താണ് പ്രതി പീഡിപ്പിക്കാന്‍ ശ്രമിച്ചത്. ഇവരുടെ നിലവിളി കേട്ട് ഓടിയെത്തിയ ബന്ധുക്കളാണ് മകനെ മുറിക്കുള്ളില്‍ പൂട്ടിയിട്ടത്. പീഡനത്തിനിരയായ വയോധിക അസുഖബാധിതയായി കിടപ്പിലാണ്. തുടര്‍ന്ന് ഇവരെ ആശുപത്രിയിയില്‍ പ്രവേശിപ്പിച്ചു.
