ആനയെ കെട്ടുന്ന സ്ഥലത്ത് മദ്യപിക്കുന്നത് തടഞ്ഞ പാപ്പാന്‍മാരെ വീട് കയറി മര്‍ദ്ദിച്ചു.തിരുവനന്തപുരം നെടുമങ്ങാടിന് സമീപം ചുള്ളിമാനൂരിലാണ് സംഭവം.ആനാപ്പാപ്പാന്മാര്‍ താമസിക്കുന്ന വീട്ടിൽ ബൈക്കുകളിലായി എത്തിയ ആറുപേര്‍ . ആനയെ കെട്ടുന്ന സ്ഥലത്ത് മദ്യപിക്കാനായി ഒരുങ്ങുന്നത്
പാപ്പാന്മാര്‍ തടയുകയായിരുന്നു. ഇതിൽ പ്രകോപിതരായ സംഘം പാപ്പാന്‍മാരെ അസഭ്യം പറഞ്ഞ് ഭീഷണിപ്പെടുത്തി മടങ്ങി. രണ്ട് മണിക്കൂറിന് ശേഷം കൂടുതൽ പേരുമായി എത്തിയ ശേഷം മർദ്ധിക്കുകയായിരുന്നു എന്നാണ് പരാതി.
മൊയ്തീൻ, കുഞ്ഞുമോൻ, യൂസുഫ് എന്നിവര്‍ക്കു നേരെയായിരുന്നു ആക്രമണം. വീടിന്‍റെ വരാന്തയിൽ കിടന്നുറങ്ങുകയായിരുന്ന കുഞ്ഞുമോന് ആക്രമണത്തിൽ പരിക്കേറ്റു. അക്രമി സംഘം ജനാല ചില്ല് എറിഞ്ഞ് തകര്‍ത്തു.സംഭവത്തില്‍ വലിയമല പൊലീസ് കേസെടുത്തു. ഇന്നലെ രാത്രി ഒന്പത് മണിയോടെയായിരുന്നു അക്രമം നടന്നത്.