കള്ളന്റെ വീട്ടിൽ കുഴിച്ചിട്ട 50 പവനോളം സ്വർണ്ണവും ഡോളർ ശേഖരവും കണ്ടെത്തി

തിരുവന്തപുരത്ത് കുപ്രസിദ്ധ മോഷ്ടാവ് അനിൽ കുമാറിന്റെ വീട്ടിൽ  കുഴിച്ചിട്ട 50 പവനോളം സ്വർണ്ണവും ഡോളർ ശേഖരവും കണ്ടെത്തി. കാവിൽ കടവിൽ നടത്തിയ മോഷണത്തിന്റെ തെളിവെടുപ്പിനിടയിലാണ് ഇവ കണ്ടെടുത്തത്. കാവിൽ കടവിൽ വീട് കുത്തിത്തുറന്ന് മോഷണം നടത്തിയ കേസിലാണ് അനിൽ കുമാർ പിടിയിലാവുന്നത്.ബുധനാഴ്ച രാവിലെ കസ്റ്റ‍ഡിയിലെടുത്ത പ്രതിയുമായി വിളപ്പില്‍ശാലയില്‍ നടത്തിയ പരിശോധനയിലാണു സ്വര്‍ണ്ണവും മോഷണ മുതലുകളും പിടികൂടിയത്.തിരുവനന്തപുരം ജില്ലയില്‍ ഇരുപതിലധികം കേസുകളുള്ള ജയകുമാർ നിരവധി തവണ ജയിലിലായിട്ടുണ്ട്.