നീണ്ട നേരത്തെ ജോലി കഴിഞ്ഞ് തിരക്കേറിയ ട്രെയിനില്‍ സീറ്റ് കിട്ടാതെ വിഷമിച്ചു നില്‍ക്കേണ്ടി വന്നിട്ടില്ലേ? ഇതുപോലൊരു സാഹചര്യത്തിലൂടെ പലതവണ കടന്നുപോയ ഒരു യുവാവ് ചെയ്ത കാര്യമാണ് ഇപ്പോള്‍ സോഷ്യല്‍ മീഡിയയില്‍ പ്രചരിക്കുന്നത്.
ചൈനയിലാണ് ഈ രസകരമായ സംഭവം നടന്നത്. ഇരിക്കാനായി സ്വന്തമായി ഒരു കസേര കൊണ്ട് നടക്കുകയാണ് ഈ യുവാവ്. ഇയാള്‍ കസേരയുമായി മെട്രോയില്‍ കയറാന്‍ പോകുന്നതും തുടര്‍ന്ന് മെട്രോയില്‍ കസേരയില്‍ ഇരിക്കുന്നതും സാമൂഹ്യ മാധ്യമങ്ങളില്‍ വൈറലായിട്ടുണ്ട്.
സ്ഥിരമായി ജോലി കഴിഞ്ഞു പോകുമ്പോള്‍ ട്രെയിനില്‍ സീറ്റ് ലഭിക്കാത്തതിനെ തുടര്‍ന്നാണ് യുവാവ് ഇത്തരത്തില്‍ ഒരു കാര്യം ചെയ്തത്. ഇതിനായി അധികൃതരുടെ ഭാഗത്ത് നിന്നും പ്രത്യേക അനുമതി മേടിക്കുകയും ഇദ്ദേഹം ചെയ്തു. ഒരു ഡിസൈനറെ നേരില്‍കണ്ടാണ് പിന്നില്‍ കൊളത്തിയിടാന്‍ കഴിയുന്ന ഭാരം കുറവുള്ള സോഫ ഇദ്ദേഹം സ്വന്തമാക്കിയത്.