പരപ്പനങ്ങാടി: 22 പേരുടെ മരണത്തിനിടയാക്കിയ താനൂര്‍ തൂവല്‍ തീരത്തെ ബോട്ടപകടത്തില്‍ മരിച്ച പരപ്പനങ്ങാടി പുത്തന്‍ കടപ്പുറത്തെ കുന്നുമ്മല്‍ ഹസ്‌നക്ക് പ്ലസ്ടു പരീക്ഷയില്‍ വിജയം. പരപ്പനങ്ങാടി ബി.ഇ.എം ഹയര്‍ സെക്കന്ററി സ്‌കൂളിലെ വിദ്യാര്‍ഥിനിയായിരുന്ന ഹസ്‌ന 65% മാര്‍ക്ക് നേടിയാണ് വിജയിച്ചത്.
കുന്നുമ്മല്‍ സൈതലവി-സീനത്ത് ദമ്പതികളുടെ മകളാണ്. ഹസ്‌നയടക്കം കുടുംബത്തിലെ പതിനൊന്ന് പേരാണ് അപകടത്തില്‍ മരിച്ചത്. ദുരന്തത്തിലെ നടുക്കുന്ന ഓര്‍മ്മ വേട്ടയാടുന്ന ഈ മത്സ്യതൊഴിലാളി കുടുംബത്തിന് ഹസ്‌നയുടെ പ്ലസ് ടു വിജയവാര്‍ത്ത സങ്കടക്കടലിരമ്പമായാണ് അനുഭവപ്പെടുന്നത്.