പാണക്കാട് സയ്യിദ് ഹൈദരലി ശിഹാബ് തങ്ങളുടെ വിയോഗത്തെ തുടര്‍ന്ന് മുസ്ലിംലീഗ് പാര്‍ട്ടിയുടെ ഒരാഴ്ചത്തെ എല്ലാ പരിപാടികളും മാറ്റിവെച്ചതായി സംസ്ഥാന കമ്മിറ്റി ഓഫീസില്‍ നിന്നും അറിയിച്ചു.
അതേസമയം ഇന്ന് അഞ്ചുമണി മുതല്‍ സയ്യിദ് ഹൈദരലി ശിഹാബ് തങ്ങളുടെ ജനാസ മലപ്പുറം ടൗണ്‍ഹാളില്‍ പൊതുദര്‍ശനത്തിന് വെക്കും. മയ്യിത്ത് നിസ്‌കാരത്തിന് ടൗണ്‍ ഹാളില്‍ സൗകര്യമുണ്ടാകും. ജനാസ നാളെ (തിങ്കള്‍) രാവിലെ 9 മണിക്ക് പാണക്കാട് ജുമാ മസ്ജിദില്‍ മറവ് ചെയ്യും.