കല്യാണ വീട്ടിലെത്തിയ കുട്ടിയുടെ കഴുത്തില്‍ നിന്ന് 2പവന്റെ മാല പൊട്ടിച്ച് കടന്നുകളഞ്ഞ യുവാവിനെ പൊലീസ് പിടികൂടി. മേക്കുന്ന് കണ്ടോത്ത് അമ്പലം സ്വദേശി രവീഷിനെയാണ്(41) ചൊക്ലി പൊലീസ് പിടികൂടിയത്. കഴിഞ്ഞദിവസം വൈകീട്ട് മൂന്നോടെയാണ് സംഭവം. കീഴ്മാടത്ത് നടന്ന കല്യാണത്തിനെത്തിയ നോര്‍ത്ത് ഒളവിലം ദിബീഷിന്റെ നാലരവയസ്സുള്ള മകന്റെ കഴുത്തിലണിഞ്ഞ രണ്ട് പവന്റെ മാലയാണ് പ്രതി കവര്‍ന്നത്.
മാല കാണാതായതിനെ തുടര്‍ന്ന് ആളുകള്‍ തിരച്ചില്‍ നടത്തിയെങ്കിലും കണ്ടെത്താനാകാത്തതിനെ തുടര്‍ന്ന് ചൊക്ലി പൊലീസില്‍ പരാതി നല്‍കുകയായിരുന്നു. പരാതിയില്‍ കേസെടുത്ത പൊലീസ്, കെട്ടിടത്തില്‍ സ്ഥാപിച്ച സിസിടിവി ദൃശ്യങ്ങള്‍ പരിശോധിച്ചപ്പോഴാണ് മോഷ്ടാവിനെ തിരിച്ചരിഞ്ഞത്.