മലപ്പുറം: വീട്ടുകാര്‍ വിനോദസഞ്ചാരത്തിന് പോയ സമയം നോക്കി മോഷണം. മേലാറ്റൂര്‍ ചന്തപ്പടി പൂതമണ്ണ ശിവേക്ഷേത്രത്തിനു സമീപത്തെ കോല്‍ത്തൊടി അബ്ദുല്‍ നാസറിന്റെ വീട്ടിലാണ് മോഷണം നടന്നത്. 5,000 രൂപയും 13 പവന്റെ സ്വര്‍ണവുമാണ് മോഷ്ടിക്കപ്പെട്ടത്.
വീട്ടുകാരെല്ലാവരും കഴിഞ്ഞ തിങ്കളാഴ്ചയാണ് വിനോദയാത്രയ്ക്ക് വീട് പൂട്ടി പോയത്. ബുധനാഴ്ച രാത്രി തിരിച്ചെത്തിയപ്പോഴാണ് മോഷണം നടന്നത് അറിയുന്നത്. വീടിന്റെ പിന്‍വശത്തെ വാതില്‍ കുത്തിത്തുറന്നാണ് മോഷ്ടാവ് അകത്ത് കയറിയിരിക്കുന്നത്. വീട്ടില്‍ മറ്റ് വിലപ്പിടിപ്പുള്ള സാധനങ്ങള്‍ ഉണ്ടായിരുന്നെങ്കിലും അതൊന്നും നഷ്ടപ്പെട്ടില്ല. മലപ്പുറത്തു നിന്നുള്ള വിരലടയാള വിദഗ്ധര്‍ സ്ഥലത്തെത്തി പൊലീസിന്റെ മേല്‍നോട്ടത്തില്‍ തെളിവുകള്‍ ശേഖരിച്ചു.