ബംഗളൂരു: കര്‍ണാടകയില്‍ തിയറ്ററുകള്‍ തുറന്നതോടെ വന്‍ തിരക്ക്. ടിക്കറ്റ് കിട്ടാത്തതിനെ തുടര്‍ന്ന് തിയേറ്ററുകള്‍ക്ക് നേരെ കല്ലേറും ഗെയ്റ്റ് തകര്‍ത്ത സംഭവങ്ങളും അരങ്ങേറി.
തിയറ്ററുകളില്‍ നൂറ് ശതമാനം കാണികളെ പ്രവേശിപ്പിക്കാന്‍ അനുമതി നല്‍കിയതോടെ ഇന്ന് രാവിലെ മുതല്‍ നീണ്ട ക്യൂവായിരുന്നു. കന്നട താരങ്ങളായ സുദീപ്, ദുനിയ വിജയ് എന്നിവരുടെ ചിത്രങ്ങള്‍ ഇന്ന് റിലീസായിരുന്നു.
അതേസമയം കല്ലേറിന്റെയും അക്രമിക്കുന്നതിന്റെയും ദൃശ്യങ്ങള്‍ പുറത്തുവന്നു. ആദ്യ ഡോസ് കോവിഡ് വാക്‌സിന്‍ എടുത്തവര്‍ക്ക് മാത്രമാണ് തിയറ്ററുകളില്‍ പ്രവേശിക്കാന്‍ അനുമതിയുണ്ടായിരുന്നതെങ്കിലും പലയിടത്തും ഇത് പാലിക്കപ്പെട്ടില്ല.