കോട്ടയം എരുമേലിയില്‍ സുഹൃത്തുക്കള്‍ തമ്മിലുണ്ടായ കയ്യാങ്കളിക്കിടെ റോഡില്‍ തെറിച്ചു വീണ യുവാവ് പിക്കപ്പ് വാന്‍ കയറി മരിച്ചു. തുമരംപാറ സ്വദേശികള്‍ തമ്മിലുണ്ടായ അടിപിടിയാണ് മരണത്തിലേക്ക് എത്തിയത്.
മല്ലപ്പള്ളില്‍ ബാബുശോഭന ദമ്പതികളുടെ മകന്‍ വിപിന്‍ (24) ആണ് കൊല്ലപ്പെട്ടത്. സുഹൃത്തായ വിഷ്ണു പോലീസ് കസ്റ്റഡിയിലാണ്. മരിച്ച വിപിനും വിഷ്ണു തമ്മില്‍ ഉണ്ടായ അടിപിടിക്കിടെ റോഡില്‍ തെറിച്ചു വീണ വിപിന്‍ ഇതുവഴി കടന്നുവന്ന പിക്ക്അപ്പ് വാനിന്റെ അടിയില്‍പ്പെടുകയായിരുന്നു.