കാട്ടാക്കടയില്‍ ആശുപത്രിയില്‍ ഭീകരാന്തരീക്ഷം സൃഷ്ടിച്ച യുവാവ് അറസ്റ്റില്‍. കാട്ടാക്കട മമല്‍ ആശുപത്രിയിലാണ് സംഭവം നടന്നത്. ആശുപത്രിക്കകത്ത് കയറിയ യുവാവ് ജീവനക്കാരെ ഭീഷണിപ്പെടുത്തുകയും അസഭ്യം പറയുകയും ചെയ്തുവെന്നാണ് പരാതി.
ബന്ധുക്കള്‍ ആശുപത്രിയില്‍ കിടപ്പുണ്ടെന്ന് പറഞ്ഞെത്തിയ യുവാവ് പിന്നീട് ആശുപത്രിയില്‍ നിന്ന് പണം കിട്ടാനുണ്ടെന്ന് പറഞ്ഞ് ബഹളം വയ്ക്കുകയായിരുന്നു. ആശുപത്രിയിലെ വനിതാ ജീവനക്കാര്‍ ഉള്‍പ്പെടെയുള്ളവരോട് ഇയാള്‍ മോശം രീതിയില്‍ സംസാരിച്ചുവെന്നാണ് പരാതി. പൊലീസ് സ്റ്റേഷനിലെത്തിയിട്ടും ഇയാള്‍ ബഹളം വെക്കുകയായിരുന്നു.