കോട്ടയത്ത് യുവാവിനെ തല്ലിക്കൊന്ന് പോലീസ് സ്റ്റേഷന് മുന്നിലിട്ടു. കോട്ടയം ഈസ്റ്റ് പോലീസ് സ്റ്റേഷനുമുന്നില്‍ വിമലഗിരി സ്വദേശി ഷാന്‍ ബാബു ആണ് കൊല്ലപ്പെട്ടത്. ജില്ലയില്‍ തന്നെ ഗുണ്ടാ ലിസ്റ്റില്‍ പെട്ട കെ ടി ജോമോന്‍ എന്ന വ്യക്തിയാണ് കൃത്യം നടത്തിയിരിക്കുന്നത്. ഇയാളെ പോലീസ് കസ്റ്റഡിയിലെടുത്തിട്ടുണ്ട്.
നിരവധി ക്രിമിനല്‍ കേസുകളില്‍ പ്രതിയായ ഇയാള്‍ തിങ്കളാഴ്ച പുലര്‍ച്ചയോടെ ഷാന്‍ ബാബുവിന്റെ മൃതദേഹവുമായി സ്റ്റേഷന് മുന്‍പില്‍ എത്തുകയായിരുന്നു. തുടര്‍ന്ന് കുറ്റം സമ്മതിക്കുകയും ചെയ്തു. ഷാന്‍ ബാബുവിനെ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു.
ഞായറാഴ്ച രാത്രിയോടെ ഷാന്‍ ബാബുവിനെ തട്ടിക്കൊണ്ടുപോയാണ് ജോമോന്‍ കൃത്യം നടത്തിയിരിക്കുന്നത്. . മുന്‍ വൈരാഗ്യമാണ് കൊലപാതകത്തിന് പിന്നിലെന്നാണ് പോലീസിന്റെ പ്രാഥമിക നിഗമനം.