മഹാത്മ ഗാന്ധിയുടെയും നാഥുറാം ഗോഡ്‌സെയുടെയും ജീവിത കഥ പറയുന്ന ‘ഗാന്ധി ഗോഡ്‌സെ ഏക് യുദ്ധ്’ എന്ന ചിത്രത്തിന്റെ ട്രെയിലര്‍ പുറത്തിറങ്ങി. രാജ്കുമാര്‍ സന്തോഷിയാണ് ചിത്രത്തിന്റെ തിരക്കഥ-സംവിധാനം. നാഥുറാം ഗോഡ്‌സെയുടെ വധശ്രമത്തെ മഹാത്മാഗാന്ധി അതിജീവിക്കുന്ന കഥയാണ് ചിത്രത്തിലൂടെ അവതരിപ്പിക്കുന്നത്.
മഹാത്മ ഗാന്ധിയായി ദീപത് അത്‌നാനിയാണ് വേഷമിടുന്നത്. നാഥുറാം ഗോഡ്‌സെയായി ചിന്മയ് മന്‍ഡലേകറും. സംഗീതം എ.ആര്‍. റഹ്മാന്‍. നിര്‍മാണം മനില സന്തോഷി. ജനുവരി 26ന് ചിത്രം റിലീസ് ചെയ്യും. 1947ലെ വിഭജനത്തിനു ശേഷമുള്ള രാജ്യത്തിന്റെ ചരിത്രത്തിലെ പ്രക്ഷുബ്ധമായ ഒരു കാലഘട്ടമാണ് ട്രെയിലറില്‍ കാണിക്കുന്നത്. ഗാന്ധിയുടെ മരണത്തിനുപകരം രാഷ്ട്രനേതാവ് വധശ്രമത്തില്‍ നിന്ന് രക്ഷപ്പെട്ടാല്‍ എന്ത് സംഭവിക്കുമായിരുന്നുവെന്നാണ് സിനിമ അവതരിപ്പിക്കുന്നത്.