സ്‌കൂട്ടറില്‍ നിന്ന് തെറിച്ചുവീണ് പരുക്കേറ്റ അധ്യാപിക മരണപ്പെട്ടു. ചുഴലി ബിപിഎംഎല്‍പി സ്‌കൂള്‍ പ്രീ പ്രൈമറി വിഭാഗം അധ്യാപികയായ ആര്‍ലിന്‍ വിന്‍സെന്റാണ് മരിച്ചത്. ഭര്‍ത്താവിനൊപ്പം സ്‌കൂട്ടറില്‍ യാത്ര ചെയ്യവേയാണ് അപകടം ഉണ്ടായത്. ഇന്നലെ രാവിലെയാണ് അപകടം ഉണ്ടായത്.
ചെമ്പന്‍തോട്ടി ഭാഗത്തേക്ക് സഞ്ചരിക്കുമ്പോള്‍ പയറ്റിയാലില്‍ വെച്ച് ആര്‍ലിന്‍ തെറിച്ച് വീഴുകയായിരുന്നു. ഇവരെ ഉടന്‍ ആശുപത്രിയില്‍ എത്തിച്ചെങ്കിലും രക്ഷിക്കാന്‍ സാധിച്ചില്ല. മണ്ഡളം നീലയറ കുടുംബാംഗമാണ്.