ഗുജറാത്ത് ഹൈക്കോടതി വിധിക്കെതിരെ രാഹുല്‍ഗാന്ധി നല്‍കിയ അപ്പീലില്‍ സുപ്രീംകോടതി വെള്ളിയാഴ്ച വാദം കേള്‍ക്കും. മോദി പരാമര്‍ശക്കേസില്‍ കുറ്റക്കാരനെന്ന വിധി സ്റ്റേ ചെയ്യണമെന്നാണവശ്യപ്പെട്ടാണ് രാഹുലിന്റെ ഹര്‍ജി. ആവശ്യം ഗുജറാത്ത് ഹൈക്കോടതി നേരത്തെ തള്ളിയിരുന്നു. സ്റ്റേ ആവശ്യം അംഗീകരിക്കപ്പെട്ടാല്‍ അയോഗ്യത നീങ്ങി ലോക്‌സഭാംഗത്വം പുനഃസ്ഥാപിക്കപ്പെടും. രാഹുല്‍ ഗാന്ധിയുടെ പ്രസംഗം അപകീര്‍ത്തികരമാണെന്നായിരുന്നു ബി.ജെ.പി എം.എല്‍.എയുടെ വാദം.