ബന്ധുവായ സ്ത്രീയെ ബലാത്സംഗം ചെയ്ത് കൊലപ്പെടുത്തിയ കേസിലെ പ്രതിയ്ക്ക് ജയില്‍ മോചനം. അങ്കമാലി സ്വദേശി ജോസഫിനെ മോചിപ്പിക്കാനാണ് സുപ്രീംകോടതി ഉത്തരവ്. കേസില്‍ തടവ് കഴിഞ്ഞിട്ടും പ്രതി വീണ്ടും ജയിലില്‍ കഴിയുന്നത് ക്രൂരതയാണെന്ന് കണ്ടാണ് കോടതിയുടെ ഉത്തരവ്. 1994ലാണ് ജോസഫിന് ജീവപര്യന്തം ശിക്ഷ വിധിച്ച സംഭവം നടന്നത്.
ശിക്ഷാ കാലാവധി കഴിഞ്ഞിട്ടും ദീര്‍ഘനാള്‍ ജയിലില്‍ പാര്‍പ്പിക്കുന്നത് ക്രൂരതയാണെന്ന് സുപ്രീംകോടതി നിരീക്ഷിച്ചു. ജയില്‍ വാസത്തിലൂടെ സ്വഭാവത്തില്‍ മാറ്റമുണ്ടായ സാഹചര്യത്തില്‍ ഹരജിക്കാരന്റെ ജയിലില്‍ തുടരുന്നത് ശരിയായ നടപടിയല്ലെന്ന് ജസ്റ്റിസ് എസ്. രവീന്ദഭട്ട് അധ്യക്ഷനായ ബെഞ്ച് ചൂണ്ടിക്കാട്ടി.